Заморот е физичка или ментална исцрпеност и е природна појава кога организмот сигнализира дека има потреба од одмор и сон. Секој повремено чувствува замор. Но, кога тоа чувство е често, не поминува после одмарање и преминува во хронично, мора стручно да се утврди од што е предизвикано и соодветно да се третира. Најчести причини за настанување на оваа состојба е стрес, примање на одредени лекови, премногу работење или ментално или физичко нарушување или болест.