Мускулните грчеви се непријатна, често многу болна ненадејна појава на спазам на еден или повеќе мускули кои најчесто настануваат како резултат на преголемо оптеретување (интензивно вежбање). Други чести причини за грчеви на мускулите може да бидат повреди на ‘рбетниот столб, недостаток на електролити како магнезиум, калциум или калиум, дехидратација, бременост, намален доток на крв во мускулите и тн. Лица со најголем ризик за појава на грчеви во мускулите се спортистите, постари лица, лица со прекумерна тежина и со одредени медицински заболувања на тироидната жлезда или нервниот систем, бремени жени.