Veprimi

Substanca aktive në kapsulat Bilobil forte është ekstrakt i standardizuar nga gjethet e pemës kineze Ginko biloba. Duke vepruar mbi vetitë reologjike të gjakut dhe duke shpejtuar rrjedhën e tij, ginko e përmirëson qarkullimin, pra e përmirëson rrjedhën e gjakut në tru, duar dhe këmbë. Në këtë mënyrë rritet furnizimi i indeve me oksigjen dhe lehtësohen pengesat dhe shenjat e qarkullimit të dobët dhe të pamjaftueshëm. Efekti i kapsulаve Bilobil forte manifestohet në qarkullimin e trurit me përmirësimin e funksioneve cerebrale të dobësuara dhe në zvogëlimin e vështirësive shoqëruese, si marramendje, zhurmë në veshë, dhimbje koke, kujtesë e dobësuar, pagjumësi, shqetësim dhe ndjenjë frike. E përmirëson dëgjimin në qarkullim të dobësuar në pjesën vertebrale të shtyllës kurrizore. Efikasiteti i preparatit është i provuar klinikisht.

Ginko i lehtëson humbjen e ndjenjës, mpirjen, kramпet, dobësinë dhe ndjenjën e të ftohtit dhe djegies, si dhe shenjat e tjera të qarkullimit të dobësuar në duar dhe këmbë. Te pacientët me qarkullim të pamjaftueshëm në këmbë, e zgjat ndjeshëm mundësinë për ecje më të gjatë.

Përdorimi

Kapsulat Bilobil forte rekomandohen në qarkullim dhe funksion cerebral të çrregulluar (sindromi i demencës në demencë primare degjenerative, në demencë vaskulare ose në formë të kombinuar të të dyjave), dhe manifestohet si:

• Kujtesë e zvogëluar dhe kapacitet intelektual i zvogëluar

• Shqetësim dhe ndjenjë frike

• Marramendje

• Zhurmë në veshë

• Dhimbje koke dhe pagjumësi

Dhe në çrregullime fillestare të qarkullimit periferik.

Dozimi dhe mënyra e përdorimit

Për kapsulat Bilobil forte rekomandohet regjimi i mëposhtëm i dozimit:

• Çrregullime në qarkullimin dhe funksionin cerebral

1 kapsulë 2 deri 3 herë në ditë

• Marramendje dhe tinitus

2 kapsula në ditë, 1 në mëngjes dhe 1 në mbrëmje

• Qarkullim i çrregulluar në ekstremitete

2 kapsula në ditë, 1 në mëngjes dhe 1 në mbrëmje

Kapsulat duhet të gëlliten me pak lëng.

Shenjat e para të përmirësimit zakonisht regjistrohen tashmë pas 1 muaji trajtim. Për arritjen e efekteve afatgjata, rekomandohet (veçanërisht te të moshuarit) që kapsulat të merren të paktën 3 muaj. Pas tre muajsh, pacienti duhet ta konsultojë mjekun ose farmacistin e vet për nevojën e vazhdimit të trajtimit.

Fëmijët: siguria dhe efikasiteti i preparatit te fëmijët nën 18 vjeç nuk është përcaktuar

Mbidozimi: deri tani nuk janë regjistruar raste të intoksikimit me ginko biloba. Në rast mbidozimi të konsultohet menjëherë mjeku ose farmacisti.

Kontraindikacionet

Sensibilitet i tepërt ndaj substancave të ekstraktit nga ginko biloba ose ndaj çdo komponenti tjetër përbërës të preparatit.

Përdorimi i kapsulаve Bilobil forte nuk rekomandohet te fëmijët, sepse nuk ka arsye të justifikuara për përdorimin e ekstraktit nga ginko te fëmijët.

Efektet e padëshiruara

Më shpesh ginko biloba tolerohet shumë mirë nga pacientët. Efektet e padëshiruara janë të rralla dhe zakonisht kanë karakter tranzitor, dhe mund të shfaqen në formë dhimbje koke, dhimbje stomaku, marramendje, palpitacione dhe reaksione alergjike lëkurore. Efektet e padëshiruara shfaqen te rreth 0,5% e pacientëve.

Paralajmërime dhe masa pararuajtjeje

Personat me sensibilitet të tepërt, kapsulat Bilobil forte nuk duhet t'i përdorin.

Përdorimi i kapsulаve Bilobil forte nuk rekomandohet për përdorim te fëmijët, sepse te kjo popullatë mosharе nuk ka arsye për përdorimin e ekstraktit nga ginko biloba.

Paralajmërime në lidhje me ekscipiensit

Ngjyrat azo E110, E124, E151 mund të shkaktojnë reaksione alergjike duke përfshirë edhe shenja të reaksioneve anafilaktike dhe bronkospazëm te personat e ndjeshëm, veçanërisht te pacientët me histori astme ose alergjie. Nëse shfaqen reaksione të tilla alergjike, pacienti duhet të ndërpresë përdorimin e kapsulаve Bilobil forte.

Për parahidroksibenzoatet dihet se mund të shkaktojnë urtikarie. Më shpesh ato shkaktojnë tip të vonuar reaksioni si dermatiti kontakt. Më rrallë mund të shkaktojnë reaksione alergjike të shpejta me urtikarie dhe bronkospazëm.

Një kapsulë përmban 132 mg laktoza. Preparati nuk rekomandohet për persona me deficit të enzimës laktoza, me galaktosemi ose me sindromë të malabsorбcionit glukozë/galaktozë.

Shtatzënia dhe ushqyerja me gji

Siguria e ginko biloba gjatë shtatzënisë nuk është përcaktuar, prandaj nuk rekomandohet përdorimi i tij gjatë shtatzënisë dhe periudhës së laktacionit.

Ndërveprimet

Ekstrakti nga ginko biloba nuk duhet të përdoret bashkë me antikoagulantë si aspirinë (acid acetil salicilik), heparin, varfarin ose derivatë të kumarinit, sepse mund ta fuqizojë veprimin e tyre dhe të shkaktojë gjakderdhje. Ekstrakti nga ginko biloba mund të ndërhyjë me koagulimin e gjakut, prandaj para ndërhyrjes kirurgjikale duhet të ndërpritet terapia me këtë preparat në periudhën 2-3 javë.