CANNABO Крем за околу очи

СОСТАВ
15 ml CANNABO крем за околу очи содржи природен екстракт од канабис кој обезбедува 45 mg CBD (Cannabidiol екстрахиран од растението коноп).

ШТО ПРЕТСТАВУВА CANNABO крем за околу очи И ЗА ШТО СЕ УПОТРЕБУВА
CANNABO крем за околу очи содржи канабидиол (CBD), односно маслен екстракт од растението коноп добиен со суперкритична CO2 екстракција, со докажано отсуство на хербициди и пестициди.
CANNABO крем за околу очи не содржи THC (9-delta tetrahydrocannabinol) односно содржи во количина под 0,2%.
CBD се врзува за соодветните рецептори на ендоканабиноидниот систем во кожата и тоа на клетките од површинскиот слој на кожата (епидермис), при што се постигнува противвоспалителен и смирувачки ефект.
Кожата околу очите е исклучително тенка, нежна и чувствителна, поради што знаците на замор и стареење најмногу се забележуваат токму на неа. Изложеноста на УВ зраци, загаден воздух, замор, недостиг на сон и други стресни фактори, доведуваат до создавање на слободни радикали кои го забрзуваат процесот на стареење на кожата околу очите и доведуваат до појава на брчки, сува кожа и темни кругови под очите. CBD со своите антиоксидативни својства, ги неутрализира слободните радикали и на тој начин ја зголемува отпорноста на кожата, го намалува губењето на влажноста и предвременото стареење на кожата околу очите.
CANNABO крем за околу очи, заради антиоксидативното дејство на CBD, се употребува за да ја штити и детоксицира кожата околу очите, ја задржува нејзината влажност, ги измазнува брчките и ги намалува темните кругови и отоците под очите.
CANNABO крем за околу очи претставува комбинација на CBD со арганово масло, екстракт од соја, екстракт од пченица и ретинол (витамин А). Аргановото масло е природно масло, богато со антиоксиданси кои имаат поволно влијание на кожата околу очите. Аргановото масло го спречува стареењето на кожата околу очите, ја одржува влагатa на кожата, ги намалува постоечките брчки и го спречува појавувањето на нови. Екстрактот од соја има органско потекло и е богат со витамин Е и активни компоненти (фитостероли) кои ја смируваат и обновуваат кожата околу очите. Екстрактот од пченични трици има органско потекло, содржи висока концентрација на фитостероли кои имаат улога на природни антиоксиданси и конзерванси. Витаминот А ја намалува појавата на брчки и го подобрува целокупниот изглед на кожата и е најактивен во текот на ноќта.
CANNABO крем за околу очи е иновативна формулација на CBD со дополнителни состојки со чија употреба се негува кожата околу очите, се намалуваат постоечките брчки и се спречува појавата на нови. Исто така, се отстрануваат видливите знаци на замор, темните кругови и отоците под очите и се постигнува свеж и младешки изглед. Кожата околу очите станува посветла, мазна и затегната.

ПОДАТОЦИ ЗА ПРАВИЛНА УПОТРЕБА
CANNABO крем за околу очи е наменет за сите типови на кожа. Се нанесува на чиста кожа, два пати на ден (обично наутро и навечер) во тенок слој во пределот околу очите, со кружни движења.

ПОДАТОЦИ КОИ ТРЕБА ДА СЕ ЗНААТ ПРЕД УПОТРЕБА
CANNABO кремот за околу очи не треба да се употребува при пречувствителност на која било состојка на кремот.

ПАКУВАЊЕ
Кутија со пластична туба со 15 ml крем и Упатство за пациентот